के तिमीलाई मैले पहिले कतै देखेको छु ?

यही प्रश्नले तिमीलाई बीचबाटो छेकेको छु

म पनि सम्झन्छु तिमी पनि सम्झि हेर

के हाम्रा आँखा पहिले कतै जुधेथे भनी

के हाम्रा कुम एकअर्कामा छोएथे भनी

मिलेरै सम्झिउँ , या यसै सम्झेझै गरौँ

छ भनी मैले कोट्याएको हाम्रो परिचय

यसरी तिमीलाई अल्मल्याउनु गल्ती हैन मेरो

न म अल्मलिएको मेरो ढर्रानै मेरो गल्ती हो

गल्ती त बस यो चनचले जवानी को हो

जो बिचबाटो अनजानलाई जानाजान छेकिदिन्छ

झुटले किनेको तिम्रो समयलाई लम्ब्याउन

मसँग शब्दका उपहार अब सिमित छन्

त्यसैले तिमी अल्मलिएको समयलाई बचाएर

अब म एउटा नयाँ दाउ छोपिरहेछु

मनमा काहानी बुनी तिमीलाइ सुनाउने

केही चुटकिला भनी तिमीलाइ हसाँउने